知識分享 - 防水袋

今個夏天，係本老hike見過最多香港人玩水上活動嘅一個夏天，連直立板、獨木舟去露營都多咗人。當想計劃爬艇恤髮時，就會有一個問題產生 - 如何避免裝備入水，尤其是大家的電子用品如手機、燈等。依個時候，防水袋( Dry bag )就幫到大家。

防水袋通常有兩款 - PVC & nylon複合布

PVC好處係做到100% waterproof、耐用、平，不過重身同厚，粗用一流。

而nylon版就利用nylon特性加上coating如pu及混合其他布料制成，比pvc輕得多，但價錢亦是正比，防水效果亦比pvc差，勝在唔浸水情況下非常安全。

喺揀選防水袋去露營之前，先要問自己，可以幾多L裝備出發先，因為一般防水袋係無間隔可言，空間有限，所以斷捨離係相當重要。同時防水袋好少有負重系統，過重會孭得好辛苦。

一般防水袋同揀背囊無乜分別，但有以下幾點需要注意

• 拉鍊位
  

一般拉鍊上嘅防水，只防潑水，唔防浸水的，當然有專for浸水的拉鍊，所以選購時要問清楚係邊類

• 厚肩帶、厚背墊

雖說都係放船上面直到，但攞船前後時間都需要孭上身。喺無背負系統下，肩帶同背墊係唯一可以令你孭得無咁痛嘅輔助。

• 防刮、耐磨

同一般背囊唔同，因為防水袋好易磨到有窿仔，一有窿仔，就會漏氣、入水等，所以要留意袋身厚度或袋底等易磨到的位置有無加厚，亦要留意返布料係咪100% waterproof。

• 常備Duct tape

Duct tape有幾強大可參考 補窿，因為防水袋一有窿就已經失效，為免意外發生導致在內的裝備入水。duct tape的準備係必需的。

• Roll top
  

大多防水袋都用roll top設計，好處係進一步保護到開口處入水問題，同時都會令袋內空間減少，但唔好因為咁就roll少過三圈，會相當唔安全。

• 內袋
  

就算買到一個好袋都唔夠，因為總有意外，所以全部裝備都要加內袋再入袋的，但唔建議用內袋裝濕咗嘅衣服，因為pu層會水解，壓膠都會甩，所以用密實袋比較好。

• 外網袋

雖說擔心裝備入水，但有部分用品係唔怕水的，如水袋、拖鞋、杯等，依個時候，外網袋就可以幫依類提供服務，唔駛佔用袋內空間。

以前無錢，玩獨木舟搶灘時會將背囊入黑色大垃圾袋當防水袋就算，其實不失為一個好方法，但始終有風險，可以的話，都係用適當裝備為佳。

#知識分享
#户外攻略
FB: 老hike都去camp
MeWe: 老hike都去camp