經驗分享 - 補窿
如果不幸帳幕穿咗點算好呢？
話說有次老hike去camp，0400左右覺得有野喺個身度爬下爬下，所以痕醒咗。發現原來係蟻，即時諗一諗係咪自己setting問題呢？定係出入時帶咗入營？但因為4點關係，處理完就訓。
到第二朝起身收營，發覺係有少量蟻出現喺內帳，我就知大獲了。果然係有個窿.... 俾昆蟲咬穿咗。幸好，都已經收營走人，返去處理。
當發理有咁嘅情況，首先要檢查個破損位置，係外帳定內帳、大窿定細窿、穿咗定撕裂咗等
修補方式有:
- 防水膠帶 (Duct tape)
大家一定有睇過有個外國廣告，𠝹開架船，之後用防水膠帶封返佢再用。唔好以為係假.... 防水膠帶係勁到連阿波蘿13號入面，可以用佢黎將氧氣樽接駁返埋。
用佢黎做封口、緊急維修係一流，大細又可以自己控制。市面仲有唔同顏色嘅tape選擇。適合任何破損位置用。
- 帳篷補貼膠
喺tent repair kit內，通常都有塊補貼膠喺入面，效果無duct tape咁出色，勝在方便。要黎貼一啲唔太重要嘅位如帳幕底，footprint等相當好用。其中gore tex更出咗款係補乜都得，不過用法就有啲唔同，要用熱力壓溶，增強黏貼能力，相當好用。
- 針線縫補
Tent只係一塊布，布爛咗，當然可以用針線縫補，不過補咗之後，外觀有一定影響，更會影響到防水問題，所以要再Seam seal過線口位。如果撕裂咗，依個不失為一個方法。
- Silicone填補
如果只係小窿，而個地方唔算重要位置，用Silicone膠水，好似暗瘡膏咁，點一點落去，等佢乾就得，唔細心留意唔到的。
就算揀咩方法都好，必須要留意
1. 做之前要用清水將「傷口」清潔好，免得有沙有塵影響治療。
2. 貼上後要等佢乾先再收納，最好24小時以上。
3. 盡量開營做，明白好多屋企都未必有空間開隻大營或non freestand營，盡量啦。
4. 盡量室內做，免得手術中有任何天氣影響。
營係消耗物，户外有損耗係在所難免，唔駛肉赤，最緊要係下次可以繼續用。
#户外攻略
留言
發佈留言