知識分享 - 燒烤炭

冬天將至，又係圍爐取暖嘅好季節。

見到唔少人都添置咗燒烤爐，但有冇諗過燒咩炭呢？

注意: 請勿用柴火直接燒嘢食！

因為香港係有有毒嘅柴枝，仲有，柴嘅表面係有機會痴住有毒嘅物質，當一受熱，就會彈起痴住喺食物度，所以都係乖乖地用炭啦。

炭一般分: 木炭、菊花炭、椰子炭、備長炭等

木炭當中又有分咩木做出黎嘅炭，如: 荔枝炭、竹炭、紅樹炭、龍眼木炭、炭精等。

1. 荔枝、龍眼木

以上兩隻效果差不多，不過龍眼木一般會比較大舊，荔枝木就比較細長。

因為明火關係，燒出嚟效果好有風味。

2. 紅樹木

紅樹木質地比較脆，耐燒度同溫度都不及荔枝&龍眼木，仲會出好多白煙，唔係貪平都唔會買。

3. 竹炭

竹炭因為耐燒度低，所以一般都唔會用黎燒烤，不過竹炭係一個好好嘅木炭。佢除咗可以放喺室內吸濕用，仲可以用黎做filter去水味，及清潔牙齒用，有啲似備長炭。

4. 炭精

唔係買蜜糖送嘅炭精，係一種「機製木炭」。

炭精完全無煙、無味、耐燒、燃燒溫度十分穩定，但因機械壓縮製作，所以密度十分高，要燃點係有難度，所以用時有啲技巧，一係火鎗，一係先起柴火再燒著佢，不過炭精好耐燒，帶一盤就已經可以玩一日。

天然椰子殼纖維壓縮燒製而成，環保、易燃、小煙、低溫。不過好快燒完，都係留返黎食水煙好了。

菊花炭唔係菊花做，係因為個橫切面係菊花形狀。

菊花炭耐燒、少煙、燃點低，所以都係主流炭之一。

其實都係木炭一種，不過佢係屬於「白炭」

備長炭質地相當硬，耐燒，溫度高，但又唔同一般木炭會有明火&白煙。可惜價錢有啲貴，比較少用。

炭火雖然無柴火咁有味道，但喺安全性，耐用性方面，就高得多了，下次玩火時，不妨試吓其他炭。

#知識分享

#户外攻略

老hike都去camp