經歷分享 - 睡房的設定
露營訓覺係接近必須嘅一環，但點樣可以訓得好啲呢？又係一門學問。
1. 先要揀個好營位
之前已經講過，詳情可參考: https://bit.ly/3bI1bh2
2. 睡床
喺講睡床/墊之前，要先了解一個term - R value
thermal resistance - 熱阻的意思。即係代表該物料阻止熱量穿透嘅能力。數值越高，保溫能力越好，可以睇自己需要去選購或環境選用。
而r value 範圍為0.5-6不等，以外國數據去講，冬季需要用到上5或以上，一般季節就會建議用2或以上。
睡床有分: 銀墊、蛋墊、充氣墊、行軍床等，各有特色
- 銀面防潮墊
童軍時代最常用。
平、輕，係佢特點。利用鋁面反射作用保温及防潮作用。但因為薄，同直訓地面無乜分別。
- 蛋墊
一張以聚氨酯等發泡材質製成嘅墊。
快開快收係特色，同時又夠輕。好舒服，就算地下有凹凸不平，都因為蛋墊隔咗，而得到舒適嘅睡覺地方。
可惜收納size 太大，買之前要諗自己個袋點安放。
有部分蛋墊會加銀面增加R值。適合平時家中訓硬床的人。
- 充氣墊
充氣墊仲有分自動充氣、手動、有無棉、有咩紋等，唔遂一講了。
揀充氣墊要留意係: 收納後size、重量、充氣方法、轉身有無聲、展開時有幾大、R值。
充氣墊優勢係，乜都有得揀，幾厚、幾重、幾軟等都可以按自己需要選購。充氣墊只有一個缺點，就係有穿 or 爆口嘅可能，所以使用時要比較小心。
- 行軍床
真心似二戰時嘅擔架床。因為離哂地嘅關係，所以隔地氣最好，同時因爲真係一張床黎，適舒度比訓地下好 (但老hike覺得訓地下爽啲)。缺點係重同大舊，亦未有雙人版(可能有，未見過)
3. 枕頭
吹氣枕頭都算係大路選擇，同充氣墊一樣，有啲有內棉、有啲郁下都有聲、有自動有手動。自行選擇吧。如果無枕頭點算？放衫褲入去睡袋收納袋都可以做成個枕頭，又可以訓背包，老hike無用枕頭的。
4. 睡袋
5. 眼罩耳塞
眼罩係極度重要！除非你個營係極級遮光，為咗優質嘅睡眠質素，以防入夜俾人照，朝早被曬醒，眼罩係必須！
耳塞就唔常用，因為戴住會有一定危險性，不過如果去熱門區如涌背，耳塞可以令自己身心都開心啲
6. 風扇
其實户外夜晚唔係好熱，不過有部份人一熱就訓唔到，如果個營有前後門再加窗都還好，無就需要風扇，吊扇為佳。
詳情可到:
7. 營
視乎返個內帳係全紗定半紗、外帳有幾貼地，有無窗，外帳係咩色等。要配合以上各點，先可以搵到自己需要嘅野。
其實露營如果setting好，訓得仲舒服過喺屋企，前題要準備好。當習慣咗自己setting，就會愛上訓街嘅感覺。
#户外攻略
留言
發佈留言