知識分享 – 石板燒

最近喺某大谷見到有人分享用石頭做燒烤板嘅短片，究竟咁樣做有冇問題？今次由老Hike去分享一下。

其實短片中嘅做法係相當危險，因為燒石頭係會爆炸的！尤其係溪澗附近嘅石頭更加。
因為石頭受熱慢，內外受熱不均、喺熱漲冷縮嘅現象下，內部都未受熱，外面已經因為猛火攻勢之下膨脹，最終就會發生爆炸。

溪澗附近嘅石頭因為長年累月受溪澗沖擊，石頭內嘅含水量比一般石頭更加唔平均，當一遇到猛火後，石頭內水份會先蒸發成水蒸氣，冇處可走嘅水蒸汽就會迫爆個石頭表面，導致爆炸！

可能會問，咁如果用慢火呢？
慢火係相對比較安全但一樣會有機會裂開。

咁點解去餐廳或者見到其他人做又冇事呢？
因為佢哋唔係燒緊石頭係燒緊岩石，仲要唔係每一隻岩石都適合做石燒。就好似澳洲嘅餐廳 — Mr.stone就已經係採用澳洲火山岩石黎做石燒。岩石除咗比普通石頭更受熱外，亦因為雜質更少，更適合用喺料理上。除咗要用岩石外，喺用之前仲要上熱油，令表面毛孔縮細，增加受熱面積。

今時今日嘅KOL為咗紅可謂無所不用其極，經常拍片做埋啲好睇但唔正確嘅事，如果一個唔好彩新手唔知嘅情況下跟住去做，後果真係不堪設想！ 

Ps. 去沖繩玩，記住搵老hike租車

#知識分享
#户外攻略
FB: 老hike都去camp