露營品牌史 – Osprey
香港，貴為國際大都會，不論飲食文化定居住環境都相當多國化。連露營文化都唔例外，上至hilleberg 下至淘寶都好容易買到，但云云咁多品牌入面，佢哋背後嘅歷史係點，品牌定位又係點？就由老Hike去分享下。
頭盔mode: 以下資料全部參考網上資料再加記憶，內容可能會同事實有少少出入。
Osprey
- 創立
由於Mike經常會有突破性嘅設計，如：
1976年引入透氣網狀背板用喺背囊上面
1977年設計出第一款可調節性胸帶扣令到使用者更合身
1984年設計出可拆除式袋頂包，拆除後可以當腰包用
等等
加上Mike手工好、起貨快，所以贏到唔少口碑，更吸引到戶外雜誌“OUTSIDE”去幫佢做實測，所以生意亦越來越好。有唔少backpacker更會專登過去Santa Cruz stay幾日等Mike幫自己訂做backpack。
亦因為生意越來越大，所以吸引到投資者注意，而其中一個投資者 – Diane Wren喺1986年加入後，更同Mike結婚，並於1990年將Osprey搬到去Dolores繼續發展。
- 成名
納瓦荷人(Navajo)
係美國西南部一個土著民族，屬印第安人。納瓦荷人喺銀器製作方面有相當出色，喺18世紀已經開始製作手工珠寶賣俾遊客，其標誌性珠寶就係南瓜花項鍊。唔單止銀器出名，喺編織技術更加出色。納瓦荷編織法有強烈嘅幾何圖案，又帶有抽像性，喺18世紀一塊毛毯已經價值不菲。
Diane同Mike就係睇中佢哋嘅技術，所以將生產線交俾佢哋。果然成功喺次年吸引到Fortune Magazine注意，仲以"America's Best" 去形容Osprey。
之後幾年Mike都冇停落黎，喺1993推出專為女性而設嘅背囊ISIS。1997年更將LNT理念印埋上袋。同年Osprey sponsor運動員Anatoli Boukreev將Osprey帶到去世界最高峰Evenest。而1998年Mike更將佢夢想中嘅懸吊系統變成現實，加埋ErgoPull 腰帶扣，徹底改變咗腰帶個作用同埋成個負重系統。
隨住Osprey越來越出名，就越來越多人帶Osprey上珠峰，但要數最經典，就一定係來自2001年6月18日Times magazine嘅一張相。
.jpg)
該封面上，出現一個名為Erik Weihenmayer 嘅登山家孭住Osprey Aether 60登珠峰嘅相，而Erik Weihenmayer其實係失明人仕，而該次更係人類歷史上第一次有盲人登上珠峰嘅記錄，突破晒人類嘅極限。隨後幾年仲登埋八大峰，成為一個經典登山者。
之後嘅廿年Osprey都係專注做背囊，每次推出新型號都會廣受關注，去到2015更成功開發出AntiGravity 懸架系統，不論負重、透氣度、舒適度角方面都有突破性發展。
除咗製作外，Osprey喺環保方面都有出一分力，如：同Renewal Workshop 合作攪收回、所有塑膠袋都要用100%再生材料制作、所有紙質包裝都要可收回或可以通過FSC森林認證等。
另外喺做善事方面Osprey都相當活躍，就喺2021年期間，Osprey就已經喺全球支持咗90個組織，捐咗超過32,000美金現金同51,000美金產品。
- 定位
Osprey致力追求永續發展，盡量減少對環境影響。所以喺採購材料方面都盡量採用再生材料，其中Circult系列更因為71%材料係再生材料而獲得”The Green Gear of the year”獎項。就連防水Coating都要用不含 PFAS 嘅DWR，減少PFAS依種環境持久性物染物質嘅生產。
除咗向永續方面發展外，Osprey不忘初心，依然追求功能性、耐用性，務求用家可以獲得一個可以用到終身嘅包囊，所以Osprey全部product都有All Mighty Guarantee保障，唔理係1974買嘅袋或尋日買嘅袋，無論任何原因做成嘅任何損毀，Osprey都會免費維修，提供終生保養*。
*某幾個型號除外
Ps. 去沖繩玩，記住搵老hike租車
#露營品牌史
#户外攻略
FB: 老hike都去camp
留言
發佈留言