知識分享 – 氣爐爆炸

早前網上流傳一條關於印尼青年喺露營期間使用卡式爐之後爆炸嘅片，之後有人質疑條片嘅可信性。究竟氣爐有冇機會爆炸呢？今次就由老Hike去分享一下。

首先講咗個結論先，結論係，絕對可能。
氣爐爆炸成因有好多，大概會分以下幾種

• 操作不當

氣爐雖然有林林總總幾十款，但操作方法大致一樣。而導致爆炸嘅原因最大可能性就係氣體洩漏，如果係空曠空間都還好，但如果係好似片中嘅卡式爐，丁烷會慢慢喺氣罐附近積聚，到一定程度之後，只要有少少火花或熱力都可以產生爆炸。所以估計片中青年都係冇鎖死氣罐導致gas洩漏，之後一點火就爆炸。

• 氣爐QC

除咗操作不當外。如果爐身本身設計有缺憾，導致氣體洩漏，氣體積聚達一定程度之後都一樣會爆炸。

• 壓力失衡

知道有好多朋友都鍾意自行Refill gas，但其實依個行為相當危險。因為會令罐內氣體壓力失衡，小事會導引搶火，大件事起上黎會引致爆炸。如果加上外來熱力，如: 擋風檔圍爐、煲底過大、使用環境過熱等導致熱力反射，更加容易引起爆炸。

• 罐身損耗

不論係高山氣定卡式氣罐，罐身都係屬於金屬，長期儲放就自然會老化，當金屬老化時就會承受力降低，當繼續使用時，就會比正常氣罐容易發生意外，所以使用前一定要檢查清楚罐身有冇變形，有冇明顯凹凸，有冇過期，有冇漏氣等。

以上只係常見會發生嘅情況，當然爆炸嘅可能性唔止咁少，但其實依家好多氣爐都有熄火保護裝置，當爐頭冇火時就會自動截斷gas供應。加上氣罐嘅質料都越來越好，反而想佢爆炸都變得唔易，只要唔好貪平嘅話，基本上都可以放心使用。

Ps. 去沖繩玩，記住搵老hike租車

#知識分享
#户外攻略
FB: 老hike都去camp