知識分享 – 尿液

有唔少野外求生片都會教大家喺必要時飲自己啲尿，甚至有求生專家係飲自己啲尿飲到出晒名，究竟飲自己啲尿有冇問題？如果真係不幸被困喺山求助無援時又可唔可以透過「內循環」自救呢？今次就由老Hike分享一下。

先旨聲明，本老Hike絕對冇飲過尿，本編分享都係透過科學角度、硏究報告等加以整合，如有疑問，請向MSR water research lab 查詢。

• 喺討論飲唔飲得之前，先要了解一下尿液係乜野黎。

尿液係由血液形成，血液先流入腎臟，腎臟內嘅腎小球會將血液先做過濾，完成後就會交俾腎小管，再將過濾後嘅血液中嘅水份及無機鹽回收，並將有鹽份嘅液體同含有阿摩利亞嘅代謝產物（因新陳代謝而出現嘅東西）制成尿液，最後送到去膀胱再排出。

雖然人類嘅尿液中含91-96%都係水份，但因為佢係屬末化化謝產物，喺生產過程中營養已經俾腎臟完全揸乾，再加上會有鹽、礦物質、同來自肝臟嘅微量毒素。如果一般正常情況下飲用（身體未脫水及尿液仲未變色前），「應該」唔會對身體產生大問題，但如果喺身體出現脫水情況下飲用，只會變得更加脫水，當身體脫水情況越嚴重，尿液中嘅污染物濃度又會越高，更加唔適合飲用。

• 咁如果用filter加淨水丸過濾後再飲呢？

都係唔得。因為尿液中鹽份係溶解鹽，喺現今可攜帶性過濾器中，冇一個可以做到過濾溶解鹽，更唔好提毒素。如果用淨水丸或者用其他如紫外線處理，都一樣只可以做到殺菌，無辦法做到去除污染物。

當然，如果真係真係尿液係唯一選擇時，理論上仲可以用蒸餾法將尿液變成蒸氣再轉化做水飲用（香港Youtuber東方星已經做過….）但除非真係為咗出位，如果唔係都唔建議依個做法，因為當危急到要考慮飲自己尿嘅情況下，如果細菌感染、毒素入侵的話會令情況更加危險。

雖然中醫學如本草綱目等都有記載人類嘅尿液係無毒甚至可以入蘗，但如果缺水下，尿液絕對係毒藥，同飲海水無異，所以最佳方法都係做好風險管理、出發前通知屋企人、避免單獨行動，將發生率降到最低。

Ps. 去沖繩玩，記住搵老hike租車

#知識分享
#户外攻略
FB: 老hike都去camp