相信好多Camper都有幻想過，揸住架Camping Car，去到邊訓到邊。無奈香港露營車係出唔到牌，極其量都只可以做到車中泊。但喺日本就唔同，隨便就可以租到架Camping Car去玩，所以今次就分享下日本Camping Car有咩種類，要咩持有咩車牌先可以揸。
Camping Car，日文叫キャンビングカ或簡稱キャンプカー，根據日本「道路運送車両法」，Camping Car係屬於「特殊用途汽車」，登記編號為8號。因為唔會成日用，普通人都可以駕駛，所以歸類特殊用途汽車，好處係可以交少啲稅（萬稅之都真係唔可以講笑….）。後來俾人發現原來SUV、Mini Bus都可以登記做Camping Car逃稅，之後日本就修例，要登記做Camping Car必須擁有以下條件：
車廂內最少要有載客量嘅1/3床舖，eg 5人車最少只要兩個平坦嘅床舖空間，而且床舖係唔可以移動，所以通常會用座椅改造。
車廂內最低限度都要煲到水，同埋要有水糟同足夠煮食嘅空間。
車上必須要有熱源，可以用電或燃氣推動。
水源必須可以分開淡水同廢水嘅儲蓄及供應系統。能達到以上條件嘅車類，大概分五種：
以貨車（Truck）改做嘅類型。因為貨車載貨量大，所以內部空間可以改建嘅野多好多，冷氣、浴室、洗手間等都完全可以喺入面加裝，但因為屬中型貨車或以上，所以要有中型車牌先可以駕駛，亦因為車身高度同長度關係，可以進入同停泊嘅地方都比較多限制。駕駛時要小心。因為唔係人人都有貨車牌，所以有人會將輕卡（K-Truck）改裝。相比貨車，輕卡細架好多，比較易駕駛，又可以停泊喺常規停車位，對於唔擅長駕駛大車嘅Camper黎講係一個好選擇。不過因為內部空間有限，洗手間、浴室等通常都欠奉。所以只適合2-3人使用。最吸引係，只需要國際B牌，即係香港嘅私家車牌就已經可以駕駛。以Hiace等VAN車改做嘅類型，外型同普通VAN車無分別，只係內部空間改建做Camping Car。因為空間有限，所以通常內部只會安裝：廚房、洗手盤、冰箱、床位、餐桌、副電池等。但改裝容易，加上好多款都係9座位或以下，一般普通私家車牌都可以駕駛，所以深受歡迎。以巴士或小巴等改做嘅類型，因為空間極多，基本上想加裝嘅都可以放入去，但亦因為太大架，不論停泊空間同駕駛技術都比較講究，所以日本比較少見。至於要用咩牌就睇下架車原身係用幾人車同幾長去改做，正常都要國際D牌，即係巴士牌先可以使用。即係拖車。拖車因為本身係冇駕駛倉、Engine等設備，所以內部空間大好多，基本上想裝乜都可以。如果拖車重量係750kg以下，喺日本只需要普通私家車牌就可以使用。不過一般人都冇乜機會揸過拖車，當試完之後就知道原來轉灣係同平時完全唔同，加上等於多咗一架車，停泊車都非常唔方便。除咗以上幾類外，依家仲新興一款
將普通私家車嘅後門拆除後裝上Camper Shell，令到普通私家車都可以享受露營車嘅樂趣。因為Camper Shell 同車身係可以分離，所以只會視為貨物。同時係外掛關係，所以內部唔駛點改做。但空間相當有限，一般亦只有廚房、洗手盤、冰箱、床位、餐桌、副電池等。不過只需要用私家車牌已經可以租用，加上因為Camper Shell係向上發展，所以冇增加到駕駛難度。但Camper Shell只係外掛，日本係唔會視佢為露營車（8號牌）。Car Camp同Wild Camp嘅體驗係完全兩回事，Car Camp可以喺冷氣車廂內，飲住熱咖啡欣賞日出。又唔擔心蛇蟲鼠蟻等問題，更唔擔心日曬雨淋嘅天氣。比較適合少接觸大自然嘅伴侶或帶小朋友去初體驗。
無論揀邊款車都好，最緊要小心駕駛，安全第一，畢竟人無事先可以做世界冠軍。
Ps. 去沖繩玩，記住搵老hike租車
#經驗分享
#日本露營文化分享
#户外攻略
FB:老hike都去camp
留言
發佈留言