經驗分享 - 垃圾處理 ver2
自己垃圾自己帶走依句slogan，我相信就算無去過露營嘅人都會聽過，咁調返轉頭諗，點解啲人聽過都仲要唔拎走呢？老hike覺得，部份原因都係因為太大袋唔方便拎住，所以選擇遺棄在山上。
而老hike現居嘅日本，係根據每袋垃圾收費的，仲要一個星期得兩日可以掉垃圾，所以日本生活習慣係盡可能用一個垃圾袋去處理過去四日甚至一個星期嘅全部垃圾，同時有佢哋一套嘅垃圾處理做法，而依套做法，都相當適合露營用，所以今次老hike就分享吓。
要一袋拎得走，重點係 - 壓，一般垃圾袋入面，仲有30-50%空間係空氣，導致每個垃圾袋入面都有一半空間未能使用，要壓得好，首先要預備一把刀，最好有埋較剪同圖中嘅漏斗，之後準備一個垃圾桶，用中形背心袋為佳，然後裝垃圾分類處理。
.jpeg)
- 包裝袋/薯片袋
.jpeg)
.jpeg)
基本上係必然會出現嘅垃圾，就算只係煮個麵都會有，而大多數包裝袋都屬不可自然分解嘅物質，所以要拎出市區處理。通常處理方式係將包裝袋拆掉後就入垃圾袋，但其實其中嘅空氣會佔用相當大空間，亦都唔係咁好擺野，所以要做嘅處理就係將佢收細，方法就係幫佢打個結，咁做就可以防止佢彈開阻住垃圾壓縮。
.jpeg)
.jpeg)
- 湯汁
相信去過露營嘅人，都一定打過邊爐或食過杯麵，所以湯汁依類垃圾都常見，然而麵湯都還好，尚可以飲埋。但打邊爐嘅湯呢，飲完應該洗腎都唔掂。而香港大部份營地都係無污水穴，同時打完邊爐嘅湯係油到hihi，對户外環境做成極大影響，所以必須自己拎走。方法係拎個樽，用漏斗將湯汁倒入再拎走，怕污糟嘅，再用一個袋包好，咁就可以拎出市區再處理。
.jpeg)
另外可以用廢油凝固劑將湯汁凝固放入垃圾桶，不過相當唔建議，一黎等凝固時間需時，二黎凝固後會好啲蠟燭咁痴咗喺cookset入面，清洗更加麻煩，所以唔太好用
- 膠樽/膠杯
.jpeg)
.jpeg)
膠樽雖然係可以幫助處理污水，都當無污水需要處理嘅時候，垃圾膠樽點處理好。因為膠對户外污染嚴重，更唔好話自然分解嘅情況，所以膠係必須帶回市區，其中之一方法係將佢解體再放入垃圾袋，或將佢扭成一舊再做環保回收，咁就無咁阻礙垃圾袋空間。
.jpeg)
.jpeg)
- 鐵罐
啤酒罐、汽水罐依類常見垃圾相信大家都會知點處理，只補充一句，記住帶走。
當然，垃圾處理最好嘅方法一定係減少垃圾源頭，但當無可避免嘅情況下，將垃圾體積壓細，再一袋過拎返市區，大家走又走得舒服啲，又唔駛留垃圾喺山，咁先係一個好camper。
.jpeg)
.jpeg)
留言
發佈留言