經驗分享 - warranty

露營界中，裝備升級係恆常活動。當升級到一定水平時，自然會入手海外裝備，但香港有代理嘅品牌選擇唔多，價錢亦偏貴，所以資深營友都會自己去官網或外國網如: rxx、campxxxxx、amxxxxx之類地方訂購。就算計返運費都比香港買平，仲要有更多選擇。但忽略咗一個重要問題 -  水貨

水貨係指唔經代理嘅貨源。亦因唔同嘅理由，一般水貨比行貨平20-30%，但有始終無經代理商檢查嘅關係，所以都會有「次貨」、「假貨」等風險。而最重要係…. Warranty Policy (保養條款)

户外裝備，損耗係一定會出現，大多數有名氣嘅户外品牌，都會提供2-5年甚至終生保養，只要唔係人為破壞及合符條件，都可以「經代理商或分銷商」免費維修或換新。
如果係水貨，就要自己直接同該品牌的維修部交涉。好嘅品牌只需要你自己寄返去維修中心就得，回郵運費唔需要負責。無咁好嘅品牌就需要顧客負責埋shipment fee。
但如果係行貨，代理就需要為warranty負責，一般只需要去返分銷商，再提供返收據証明係該店出售就會可以安排回收。

雖然，香港多個代理嘅「維修」時間實在太長，快則兩星期，慢則半年都試過，但始終都叫有提供服務。如果水貨，就要自己用ems等方式寄返去海外，仲要俾埋shipment fee的話，隨時仲貴過買件新，所以可以根據貨物嘅價值、維修費用、維修中心地址、可能性損毀等而選擇行貨定水貨，無必要為咗果20-30%導致有問題時無人幫到手做保養嘛。

以下會分享常見的營具需要保養既地方

• Tent (營)

常見係俾風吹彎/斷骨，一般品牌都有喺依方面嘅保養的，不過都要留意返有無時限。

• Mat inflation (充氣墊)

常見係valve問題，會訓訓下自己leak(漏氣)，不過大多數品牌都有為此提供免費保養，部分品牌仲要係lifetime warranty (終身保養)

• Mosquito repeller (蚊機)

常見係打火器問題，雖然一部唔貴，但其實佢哋都有提供保養的。

• Stove (爐頭)

問題就多了，塞咀、漏氣、漏油、斷喉等等等等，要視乎品牌先知有冇保養，詳情都係去返該品牌查詢。

• Backpack (背囊)

大多保養範圍都係關於袋配件，例如拉鍊、扣、哨子等，不過背囊正常使用又好少會爛嘅，所以都比較少用得到。

最後都係果句，裝備係死人係生嘅，唔好太依賴裝備，否則出到去先發現裝備失靈就大獲。

#經驗分享
#户外攻略
#老hike都去camp
MeWe: 老hike都去camp