知識分享 - 遇溺需知

近年户外風，唔止帶動山系文化，連一眾水上活動如kayak(獨木舟)、snorkel(浮潛)、SUP（直立板）甚至泳綑等都成為熱潮，但俗語有話，欺山莫欺水，如果真係喺水中有意外，又應該要點做呢？

喺分享之前，先要解釋一件事 - 救生衣 & 助浮衣
好多人對救生衣定義產生誤解，一件合格嘅救生衣最少:

• 有自動扶正使用者面部朝天功能
• 主色為螢光燈或螢光黃及有足夠反光帶俾人發現。
• 備有求生哨子

無以上任何一點嘅，只可以視為助浮衣。而助浮衣嘅設計只係為使用者提供額外浮力，喺遇險時幫唔到手的。所以要因應自己水性、活動危險性選用。

另外進行任何水上活動之前，都必須學識一個動作 - 水母飄

credit by youtuber: 森教練

水母飄即係將雙手抱膝動作，會令人即時浮起而唔需要再做任何動作，每當需要換氣時就抬高頭或用呼吸喉。

水母飄係最慳力而令自己可以喺海中stay得最長時間嘅動作，最緊要係，就算抽筋都一樣可以用水母飄自救，只要個人尚清醒，水母飄都可以增加生存率，所以必學。

• 尋找飄浮物

雖然話水母飄都可以令自己浮起，但始終缺乏安全感，有飄浮物攬一攬，感覺會良好啲。

• 預算離岸距離

當穩定好水中活動後，就可以搵最近自己嘅陸地，雖然可以用目測距離法去估算距離，但留意返水面上有折射及水流波動會影響目測距離法嘅準確度，同時水中嘅100米同陸地上嘅100米差別相當大，水中要游3km係相當唔輕易的，無信心都係留海中等救援比較好。

• 等待救援

不管決定停留在海中，還是已上岸。最終目標都係等待救援。盡可能留返原地，等救援人員有跡可尋，增加自己生存機會。

多行不義必自斃，如因意外昏迷，基本上都無乜奇蹟可能，所以一係多做善事，一係小心海上活動，請勿掉以輕心。

#跌左野試下唔好搵
#知識分享
#户外攻略
FB: 老hike都去camp
MeWe: 老hike都去camp