知識分享 - 不能露營的地方

眾所週知，香港只能喺郊野公園範圍內指定露營地點露營(如不是郊野公園範圍，會歸納於阻街)，但一眾camper都會發掘就一啲偏遠地方或三不管地方統稱為x位，但x位都有可紮營或不可紮營的地方，今日由本老hike分享下有乜地方唔好紮營。

• 
  標高柱附近
  

標高柱，即三角測量站，係地政署用黎測量方圓幾十公里嘅地形、高度等，用作繪製地圖。如果喺標高柱附近紮營，係會影響測量工作。

• 
  直升機坪

直升機坪雖然唔常用到，加上又係平地，所以不少人會用來紮營。但如果附近有搜救行動時，直升機坪就發揮作用，而上面的營位就會妨礙搜救工作，影響救援進度。

• 
  主要行人道路

明白香港地少人多，有時揀無可揀嘅情況都要喺路中心紮營。但其實香港係有唔少夜晚操山嘅人，喺行人道路中間起營，令到山友要另搵新路，因而發生意外，到時你都過意不去。

• 
  人哋營門前

雖然大多營都係有雙門設計，但同你唔係好熟，唔駛咁貼嘅，營位一向先到先得，無位就自己諗方法解決，紮人門前，面斥不雅。

• 影響到他人地方

可能真係渴得太緊要，有見部份營友連私人地方都唔放過，甚至做出燒地、醉酒鬧事、大光燈亂照等行為，影響村民正常生活，要人出聲趕就無癮了。

露營係靠大家建立，你就下我，我幫下你，大家愛惜地方，先可以玩落去。如果有人唔乖乖地，地方就會爛，到時大家都無癮。

#知識分享
#户外攻略
FB: 老hike都去camp
MeWe: 老hike都去camp