知識分享 - 露營枱

露營上，枱的泛用性櫈仲要高，因煮食時經常需要用佢去墊高離地，防止蟲蟻等入侵，又可以提供到平嘅空間去處理食物，even自己帶又好、現場整都好，都會用得著。而露營枱大致分三種: 茶几、矮枱、高枱

• 茶几

介乎離地10-30cm高，通常自私用，煮食時放置食材、調味料等。平時放飲品零食等。solo時更可以放營內使用，免得整烏糟營底，所以大多數營友都有一張。

• 矮枱

介乎30-55cm高，最常出現的s記就係依個高度，配合露營櫈嘅高度，使用上黎唔會覺得太高，方便開餐及進行broad game，團體活動中最常見。

• 高枱

55cm up，只會出現喺car camp(應該係)，可以家中、户外兩用，慳返一筆。

揀好自己想要類型之後，就可以做功課睇spec，但有幾個重點要留意:

• 收納

露營枱收納分三類: 捲式、摺疊式、組合式

捲式

一般出現喺布面枱，通常比較大舊，又唔可靠，唔建議用。

摺疊式

收納大細睇物料厚度，最好地方就係快開快收，又唔怕無帶配件，茶几枱最常用嘅設計。

組合式

最多變化嘅款式，因為可以拆件收納嘅關係，通常都唔會大舊，不過要小心帶漏配件。

• 物料

重量base on 物料，而物料唔單止會影響到成張枱嘅重量，仲影響埋枱嘅承重能力，常見物料有木、布、鋁、碳纖維，而有部份UL玩家為咗偷輕，甚至會用瓦通紙、膠卡紙等去MYOG (遲啲會講MYOG)

木

重！但打卡效果好，硬淨都係一個優點嘅，除此之外，都無乜選購嘅嘅理由。

布

輕身同做到收納細嘅效果，但放食物上去相當唔放心，放置雜物好了。

鋁

穩固而又輕，方便清潔又唔擔心被破壞，所以大多數都係鋁制，同時價錢比較親民。但要留意返係用咩鋁，唔係隻隻鋁都輕。

碳纖維

高硬度、高強度、重量輕、高耐化學性、耐高溫和低的熱膨脹，缺點係貴！但唔好睇碳纖維就衝，碳都有分唔同厚度，同埋碳纖維係好易被針穿，要留意返。

• 承重

每張枱spec都有講可承重，但佢指嘅可承重唔係指單點承重，係指均勻承重，打個比喻，張枱可承重寫住80kg，一個80kg嘅人企上去，斷硬，但一個80kg嘅人訓上去，係無事，所以唔好去咁盡，btw 究竟係咩樣嘅露營先會過到個maximum…….

• 穩固性

依點就係本老hike唔建議用捲式布面枱原因，因為放熱食上布面枱係非常唔安心，除此之外，仲要留意枱腳是否穩固，建議去門市搖下佢try try。

• 使用人數

最重要都係睇自己需要，solo應該唔會用矮枱(力王唔計)，團體活動就要睇人數拎咩枱，唔同情況用唔同裝備。

以前去露營，枱通常都係要紮出黎，依家裝備又平又方便，所以都比較少出現紮作了，用咩方法都好，最緊要都係要環保，唔好買完唔好用就咁掉喺營地！最少都要返到市區先掉！

#知識分享
#户外攻略
FB: 老hike都去camp
MeWe: 老hike都去camp