經驗分享 - 沙灘camp後處理

天氣開始轉熱，各營友都開始轉戰沙灘。上次分享過 沙灘攻略 喺沙灘露營時要注意事項，今次分享係喺沙灘露營後嘅處理。

首先，要習慣要與沙同行，因為沙一定會跟埋你返屋企的，重點係返到屋企點樣可以送走佢哋，如果唔想返屋企仲要洗野，本老hike建議都係唔好去沙灘玩了。

• Tent

盡可能拎起隻營離開沙地，再fing一fing內帳內的沙，就算無可處理嘅地形都唔駛驚，因為只要離開沙灘後，喺屋企附近拎出嚟fing一fing，沙都會自然甩。至於内帳嘅沙，就需要小掃把幫手。
另外外帳同拉鍊位都需要離開前用淡水沖一沖營上嘅咸氣，做好保養。

• Cookset

要小心啲處理，尤其是用non-stick Cookset因為會沙會摑甩cookset上嘅coating，所以盡量唔好用有coating嘅cookset，然後返屋企用淡水沖曬啲沙先開始洗。

• Stove

要小心啲鑼絲位入沙，因為會摑花啲牙，用爽身粉配小掃把掃返先好再用。

• Clothes

用淡凍水沖洗，唔好直入洗衣機，會好易整塞條去水喉。

• Chair、Table

唔駛理，由得啲沙，抹咗仲煩，下次開時自然會甩。

• Pole

如果用adjust pole，就要小心粒的入沙or俾海風侵蝕，可以用WD40保養一下，而接駁口嘅沙，同樣可用爽身粉配小掃把清潔。
如果用互套pole，必須每一段都掃乾淨確保無沙先好入埋，否則就會報銷。

• 營釘、風繩

唔駛理，反正一乾啲沙就自然甩，拍兩下就算。

其他野都可以用爽身粉配小掃把處理。去沙灘事後處理係比較麻煩，但去多幾次後，會發覺其實同平時保養無乜大分別，最緊要係自己垃圾自己帶走，用過嘅石頭都要放返原處，保持地方清潔，咁先係一個有質素嘅香港人！

#經驗分享
#户外攻略
FB: 老hike都去camp
MeWe: 老hike都去camp