新手常犯錯誤(5)

 新人常犯錯誤

1. Footprint 長過營

Fp作用係保護營底，但當fp長過營時，一落雨啲水就會經fp流入營底同fp中間，到時就成個營底都係積水。正確應該短過營少少，如果非原裝，可攝入營底或回家裁剪。

2. 蚊蠓不分

蚊同蠓雖然分類都屬於節肢動物門、昆蟲綱、雙翅目。但蠓係屬於蠓科（Ceratopogonidae ） 、鋏蠓屬（ Forcipomyia ），蚊則是蚊科（ Culicidae ），兩樣野黎，用蚊香未必可以防到哂，所以要留意成份選購。

延伸閱讀: 防蚊措施

3. 生熟食物用同一塊砧板

依個應該係常識吧？會交叉感染，仲要用塊咁重嘅木砧板... 擺盤都擺到啲食物凍晒喇。

延伸閱讀: 木砧板上菜中毒

4. 誤信YouTube娛樂片

本老hike唔係話YouTube 全部嘅camping片係娛樂片，有好多都有高質素教學的，但更多只係拍片黎吸晴，當中好多setting、工具、技巧都係錯嘅，即係你會唔會睇完cast away之後信用樹藤同木就可以紮到架艇而出到大海。睇YouTube，要持住「我思故我在」心態先安全。

5. 太依賴工具

經驗話我知，工具越複雜，壞嘅機會越高，尤其係一啲會影響到生命嘅野，例如: 依賴電子打火器，如果附近無人，電子打火壞咗，你會點。

依賴風繩扣，如果打緊8級風，個風繩扣不幸爛咗，你會點。

所以建議學用多啲傳統技術，隨時救到一命。

6. 無考慮風力

成日聽到人講7級風8級風，依個唔係講打風嘅8號風，係一個叫「蒲福氏」嘅風級表。

大家如果有睇過天氣報告，就一定有聽過「吹清勁嘅東北風」。清勁 = 5級風 = 風速31-40km/h，而依個風力喺香港相當常見，近海風力更高一級以上，一般gear去到7級開始受考驗，唔好以為天睛就唔驚。

7. 無留意倒汗水問題

倒汗水出現，係因為營內同營外溫差，single wall tent 經常出現的問題。每隻款解決倒汗水嘅方法都唔一樣，依個就要用自己嘅生活智慧了。

#新手常犯錯誤
#户外攻略
FB: 老hike都去camp
MeWe: 老hike都去camp