玩爛營地系列(2)

本編文章無意作任何批判及挑起紛爭，全為紀錄之用。

以下記述全憑口傳及所見，如有錯誤，歡迎留言指出。

地點: 西貢東的某一個「隱世沙灘」

話說「隱世沙灘」，交通方便，落車只需行10分鐘就到，沙灘仲有士多營運，提供洗手間、水源、食物等。

本身「隱世沙灘」環境唔錯，有草地紮營，有大樹遮陰，水質仲相當ok。

日子耐左，「隱世沙灘」開始多人，之後發生咗.....

1. 士多被燒

有傳係入夜後有人喺士多時玩到石油氣爆炸，一夜間燒咗間士多，幸好無造成人命傷亡，最終由村民發現撲熄。

2. 洗手間入夜後不再開放

火災後經過多個月維修，士多終於重開，吸收咗上次經驗，士多決定收舖後會將洗手間上鎖才離開。但點會難到一眾「野人」，爬入去、爆鎖，依啲行為每星期都有發生，後來士多安裝cctv後，先情況好轉，不過現時已經日間都唔開放了。

3. 不再提供水源

士多本身有兩處水源提供，洗手間入面及門口。

洗手間入夜後會鎖上，自然會去門口取水源，無公德心嘅人竟然取水後無關水喉，導致士多索性不再提供水源。

4. 偷櫈

最過分係，士多係有放膠櫈喺士多門口，一直都係靠大家自律，所以唔會收入舖內鎖起，但竟然露營人士將舖外膠櫈搬到自己營前享用，用後當然唔會有手尾放返入士多，攪到士多怨聲載道。

5.劈樹

本老hike都知道，好多樹唔係camper劈 (條腰咁粗仲要齊口劈到，老hike都想拜你為師)，不過亦見過劈生樹玩campfire，已經劈到無哂樹了，恭喜。

截至今日，「隱世沙灘」已經面目全非，無樹、要租洗手間、牛群已消失，如難民營一般了。

#玩爛營地系列 #知識分享 
#户外攻略
FB: 老hike都去camp
MeWe: 老hike都去camp