經驗分享 - 大小二便

露營，短則過一晚，長則三五七日唔定，所以必然會有大小二便嘅需要，但因為官site尚未開放，一眾camper轉戰無洗手間嘅x site，通常都會選擇回歸大自然，所以今日講下需要注意嘅地方。

喺開始前，請大家思考下以下問題

1. 如何唔影響環境衛生同其他野生動物

2. 點樣先將水源影響最低

3. 點樣可以加速腐化

就以上的大原則下，所以選擇大小二便時請:

話說有朋友(兩個女仔)跟新相識的網友去camp，之後該網友居然行兩步就放條小蟲出黎抖氣，明明行前兩步就有草叢。

拜托，你唔知醜，都唔好嚇親人啦。

為免污染水源，去大小二便時請同水源保持距離。

可以幻想到一褲都係嘅畫面.....

因為大便需腐化嘅時間遠長於小便，長時間曝露喺地上會引起:

衛生問題，如果有野生動物接觸更有交叉感染嘅風險

市容問題，如果你去到見到有...仲要有味嘅....

所以開大係需要嚴肅處理的。

如果喺外國，我會建議掘貓穴。

貓穴做法係用軍用剷，45度角剷入約20cm深的泥士一下翻起。

或打直插個交叉再翻起泥土。

完事就將原先的泥土還完，再加啲沙、枯枝、泥等加壓，加速泥土復原。

但因為香港太多人去camp，人人掘，撻地都未回復又有一班新人掘，爛哂都似。

再加上，香港《郊野公園條例》係唔容許掘貓穴，所以當知就算。

就以上問題下，建議用便袋。

便袋其實係一個密實袋同一包吸濕珠整成。而自己制作都非常簡單，可以用密實袋加貓砂整。用完後拎返落山就得。

好麻煩？唔好食咁多油膩野同濕熱野啦。

女仕應準備一個膠袋，將自己如廁後的紙巾袋好再落山處理。

紙巾係需要時間先腐爛嘅野，重點係，就咁放喺地下，風一吹、動物好奇等，非常嘔心，麻煩處理自己手尾。

大家去得露營，都係愛惜大自然嘅人。

所以要保持環境整潔同衛生，堅守leave no trace 7大原則，自己垃圾自己帶走！

#經驗分享

#户外攻略

老hike都去camp