經驗分享 - 天氣預告分析
天氣，對露營黎講好大影響。
天氣差，出發試gear。天氣好，一家大小出動。
但作為香港人，應該十居其九都唔信天文台。但有乜方法去知個天氣如何呢？
1. 3日天氣預告
天氣變幻莫測，莫講9日，3日都可能會有變化，千奇唔好旨意睇9日天氣預報，最多係睇3日後。
2. 天氣雷達圖像
睇完3日圖，就要學睇天文台提供嘅256km雷達圖像，圖片顏色深度表示雨量大的區域，反之則為細。
睇完就知道香港附近256km有無外圍雨帶集結中，又可以留意到風向，預測有無機會吹向香港。
請注意，256km嘅距離，只係得十零小時嘅距離，所以未得代表明天天氣，只能才預測。
3. Windy
Windy 係一個免費app，來自知名專業追風與飛行資訊網站「 Windyty 」，而其中windy 係有天氣預測的，仲可以指定如西貢區咁。
留意返，windy 係來自歐洲中期天氣預報中心及全球預報系統內的數據，依兩個預測系統對亞洲地區預測或有偏差，因此對於預測本港天氣，只供參考之用。
4. 做好最壞打算
Even 睇哂全部野，都話係好天，都唔可以掉以輕心，因為隨時會出現「打石湖」，如果無做好準備，都相當難捱。
#户外攻略
留言
發佈留言