經驗分享 - 香港的美
經常性見到有人講外地邊度邊度露營靚，邊度邊度Car camp好。
其實香港露營一啲都唔差，只係個垃圾政府規劃得差，又管理得唔好。
今日講吓，點樣搵一啲好靚而又唔係官site嘅地方。
戴頭盔先，本老hike唔會講任何x-camp地點，更唔駛pm問有無介紹，可以pm問「xx位點樣去、xx位有無水源」等，依啲會盡能力解答。因為地點一公開，就好快完，請見諒。
以前搵camp site，一係要跟團，一係要自己搵。但今時今日，因為資訊發達，足不出戶都可以搵到好多地點，不過對新手黎講，無方向就算知可以search都未必知點做。以下會講吓本老hike搵x camp位嘅方向。
1. 收費場
其實香港有大大小小不同嘅收費場提供，大部分都可以車直到，甚至自駕car camp。
只要俾入場費，就提供營位，甚至營具、沐浴等應有盡有。有啲因爲位置好，所以好風景更加一流。
唔賣廣告，想知地點就google search 收費營地。
2. 村地
雖然漁農署嘅露營守則中講明「只可在指定地點露營」但一啲非郊野公園或非漁記轄下嘅地方，如村地或已廢棄農地，不在此限。
因為有開發過，所以通常草地非常出色，但必須堅守LNT同露營禮儀，免得影響其他人導致收地。
3. 外島
外島同村地差唔多情況，都屬非郊野公園及漁記轄下。
外島要搭街渡或大飛先到。因為四面環海，通常海景非常出色，如果去得遠啲，光害更少，觀星或攝影一流
4. 山旮旯
通常要行一段路先到，但行完絕不後悔，因為山旮旯，人煙稀少，甚至無人，真正可以享受到露營嘅樂趣。
5. 自行發掘
好多x camp係跟人去或聽過所以去搵，但其實好多都係自己發掘。
本老hike發掘方法係睇地圖，之後實地勘察。
漁記地圖或有部分app更有溪澗列出。
如果識睇地圖，就會搵到好多有趣地方可以露營。
其實香港好靚，絕對比得起台灣、日本等地方，不過可能要付出啲心機或腳力。
露營唔係買完gear 知道地點就已經完結，依個只係開始。
#我真係好撚鍾意香港
#户外攻略
留言
發佈留言