露營side track系列 - 浮潛

夏天露營，沙灘基本上係首選。

去得沙灘，當然會玩啲side track野。

浮潛係其中一個受歡迎又熱門嘅活動，但點樣選擇浮潛裝備呢？

1. 潛水鏡

有分眼鏡式、面罩式。

買邊款無乜緊要，最緊要係啱面型，點為知啱？唔箍頭之下吸一啖氣，唔跌出黎為之啱面型。

唔啱面型會入水，所以本老hike非常不建議網購，正所謂欺山莫欺水。

另外防起霧都重要，如果無或已老化，可用Johnson bb油，喺落水前10分鐘薄薄地搽一層，等佢乾，tg都入唔到。

2. 吸管

一般30-40cm 長，因為太長會影響呼吸，導致二氧化碳殘留，好易中「血碳酸多症」 

有分: 濕式、半乾式、全乾式

即係代表條吸管入水嘅可能

• 濕式

最簡單嘅吸管，得咬嘴同彎管，彎管仲會入水，對有經驗者影響不大。不過新手就不宜。

• 半乾式

以濕式為基礎上，加多個單向式排水閥門。

咁條管入咗水，只要輕力吹就會喺排水閥門排出。不過注意，如果太大力，個排水閥未歸位，會有入水可能。

• 全乾式

以半乾式上面，再加多個防水閥門，當水高過條吸管，就會自動關閉閥門，導到唔會有入水嘅機會。

用邊款就睇個人能力。

一般會建議用半乾式，因為「越複雜嘅野，出錯機會越高」全乾式如果太依賴，出事時，未必習慣到。相反用慣半乾式，就算入水都有一定經驗，比較安全。如果有經驗或玩free diving，更會用濕式

3. 防曬衣服

因為浮潛長期會背脊向天，好易曬傷，所以一般都會著防曬衣、褲，一黎唔駛俾環保人士話太陽油破壞海洋，二黎防曬衣上水後都非常涼爽，所以就算唔落水，去沙灘都好好用。

4. 手套

一般浮潛手套係用mm黎分厚度，本老hike用開2mm。浮潛手套作用係以保護上石時俾蠔殼等𠝹傷。見過好多人用3m防滑手套，無用的，認真買一對好過。

5. 浮潛鞋

同手套差不多用途，因好多浮潛點都係滿地蠔殼，浮潛鞋可以保護腳部。

6. 指南針

落水後，好多時分唔到前後左右方向，往往要上水面望先確定到有無錯路線。所以本老hike係會用指南針喺水底確定方向。

7. 潛水刀

浮潛最危險係俾鬼網纏腳，真係隨時會死。所以通常都會有把救命刀喺身，以防萬一。

其他如: fins、士令、助浮衣等可以自行選用。記住欺山莫欺水，一切要量力而為。
落到水有咩事，唔好expert有人救你，就算人地出事，你都要恆量自己有冇能力救人先，通常玩水，老hike都會同人講，出事我真係未必會救，所以落水之前，一定一定要諗清楚自己有冇能力自救，有冇做好保護自己，真係出事時，要點做等等。

#我真係好撚鍾意香港架

#户外攻略

#老hike都去camp