經驗分享 - 急救用品
露營係一項户外活動
但户外危機重重，一經發生意外，就用到急救用品 (或試下大嗌first aid睇吓有無手足喺附近)
急救包應盡量以輕便、實用為主，因為我哋唔係做FA，所以唔駛乜都拎上山。
急救包大致上分三類去組成: 外傷用品、藥物及其他。
以下會例出本老hike會準備嘅急救用品
M巾
唔好以為老hike係變態！
M巾又名成人膠布，吸水力特強！穿頭都止到血！touch wood 有女團友需要時，又可以借用。配合繃帶又可以做個護墊，露營必備！
繃帶+扣針
唔知大家有無試過抝柴
如果不幸拗柴，用繃帶固定加壓，可以減輕痛楚，如有ice pack 更有效。
生理鹽水+膠布
細支得了，洗傷口用，應該唔會有tg掛？
止痛藥、胃藥
因為本老hike經常胃痛，所以去到户外必跟身，防止發作。
至於其他如太空毯、手套、止血帶、鋏仔等等，如果方便都可以準備。
另外急救包需具備防水功能同放喺方便取得嘅地方
切記: 急救用品只係做緊急處理，處理好就要盡快求醫，而唔係將個手術室搬上山。
選用一啲適合用品方為之上策。
留言
發佈留言