經驗分享 - 户外沐浴全攻略
本老hike早十年前成日叫朋友露營,不過9成朋友都會用無得沖涼黎reject,就算講咗係有得沖都無人聽.... 十多年後,露營變咗個熱潮,好多人為咗玩,可以涼都唔沖 or 抹一抹個身就算。冬天都還好,熱天點頂?所以今次講下户外沖涼點做。
1. 營地選擇
有部份營地係設有沐浴房的,eg: 灣仔、貝澳。
有部份就有士多提供收費的沐浴房 eg 咸田
更可以去收費場,就要乜有乜。
2. 直立營 or 泳衣
唔想俾場地局限自己去嘅位置,就要有心理準備要喺户外沖身。唔怕麻煩就可以拎直立營做一個私家浴室,怕就要準備泳衣沖涼用 (沙灘游完水都係泳衣沖涼,唔駛怕醜)
但set位都需要注意,要遠離水源30呎以上,以免流入水源內。最好搵到微斜位,做成去水,咁水就唔會積成氹。
3. 花灑系統
依家户外已經有多種工具係for沖涼的。
Eg:
Camp shower
其實啲水都熱得好舒服下,不過要搵高位掛,同可能需要上到繩結,所以少人用了。
腳踩pump
用腳pump水上花灑沖涼,可加入熱水,效果不錯,俾想像中用少力,可以無視地形使用,packing size 一般,唔算大。
電pump
茶壺
噴壺
4. 洗頭水、護髮素、沐浴露
因為户外沖涼,如果用到化學成份嘅,又會破壞到草地,唔用又唔乾淨。
依個時候,我推薦茶籽粉,一開始個感覺係好怪,又覺得好似啲泥喺個身上面咁。習慣之後就無乜野,仲係全天然成份,唔會破壞環境,忍下啦。
5. 毛巾
應該無人用大毛巾咁癲掛?
用游水巾最好最吸水,係第一下有啲痛。
6. 吹頭
知道有女仕頭濕係好煩,可以試下用max pump 吹乾佢,效果唔錯的。
其實户外沖涼係比想像中易,不過可能好多人唔習慣無遮掩嘅情況下沖涼(去完沙灘都係咁沖.....) 只要突破到個心理障礙,其實沖涼都唔難解決。
#戶外攻略
#經驗分享
#老hike都去camp
留言
發佈留言